*Metung a poesiang mesulat pauli ning mayumung timan...
Gilu Mu Ku!
neng Royverine
Dinatang kang bigla
Gilu mu ku!
Manahimik ku keti
Gilu mu ku!
Masalese na ku sana
Gilu mu ku!
Sukat kang palto
Tiniman kang makayama
Nung balu mu mu sana
Ing apasari ning kekang siuala
Ngeni e na ku mipaindatun
E na ku mipaldan
Anggat e ka lunto pasibayu
King kakung panimanman
Nanu mo kaya ing dapat gawan?
Atin mo kayang kapuntalan?
E da na ka man panenayan
O't kabud na ka dinatang?
Manahimik ku mu keti
Gilu mu ku!
-----------------------------------
August 16, 2011
10:13 p.m.
Angeles City
Philippines
No comments:
Post a Comment