Oini na naman!

Uling malapit na naman ing metung pang alalan, idake ke sana ing metung pang poesia patungkol king alalan pambarangay.


Oini na naman!
neng Royverine


Oini na naman! Oini na naman!
Daratang ing metung pang alalan
Ing dating bularit dang awsan
Ngeni balamu derby ne ing labanan

Mu pin ing makalungkot
Pauli na ning barangay ya mu
Deng aliwa gagawan dang pikatulan
At e na dapat pang pag-isipan

Plataporma pa rin ampong pangatao
E nung ninu ing kadikit nang politiko
Aliwa ing masigla a puro salita
Pero ing katutuan, ala naman agagawa

Barangay a kekayu mu naman
Anya ing pamamili, dapat yang samasan
E pikatulan, nu’ne dapat pag-isipan
Keng barangay magumpisa, serbisyong asahan

-----------------------------------
October 10, 2010
11:56 a.m.
Angeles City
Philippines